Herzlich Willkommen
Herzlich Willkommen auf unserer Webseite. Hier finden Sie alle Informationen über unsere Zunft. Viel Spaß beim Surfen!
Tätsch, Päng - Meräng!
Wenns lauf, de laufts 😄
Eg darf dr nöchst Sommertransfer bekannt ghä!
D Verhandlige si lang gsi. Mängisch chli harzig.
Aber am schloss esch ou är zur Vernunft cho!
Es freut me reeesig, euch, liebi Frönde, euse neu Zunftrot vorzstelle:
Sali Andy!!!!!
- D Zunftbuebe freue sech ond mer begrüesse dr Andy ganz härzlich i euesere wachsende Truppe.
- Ou är het scho diversi Häuferiätz gleistet und weiss bereits chli, was uf ne zue chonnt 😄 😉
- Ou do, gets en chline Steckbrief med sine erste Wort a euch.
- Die offiziellei Vorstellig gets am nöchst Hilari im Jahre des Herren 2024!
- (wärs gmerkt het, bim Reist esch s falsche Johr gstande. Ou är werd am Hilari 2024 vorgstellt 😋)
Falu Falu Falu
Euche Oberzagge
PS: Wär korrekt zöut het weiss, mer si jetzt weder 10 Zunftröt. S guete esch, mer stecke no i wiitere Verhandlige. Mer si gspannt, ob mer bes zum Singstart sogar komplett si.
Mer dröcke d Düüme!
Liebe Frönde… es esch so wiit!
D Verhandlige si ir Sommerpause weder ufgno worde. Diversi Agänte si a eusne Talent dra gsi.
Unsumme vo Geld si vo Saudiarabische Ölbarone bote worde. Aber am Schluss het d Qualität vo eus geile Cheibe öberwoge.
Eg be Stolz, euse erst Sommertransfer döfe bekannt z ge!!!!!
Liebi Fasnächtlerinne und Fasnächtler, es härzlichs Willkomme im Zunftrat Fulebach
Sali Reist!!!!!
Mer Buebe si öberglöcklich med däm Neuzugang. Könnt der Reist doch eusi Fasnacht bestens und weiss uf was, dass er sich iloht 😃
- No fasch wechtiger, sini angetraute weiss ou ganz genau, uf was sech dr Reist iloht 😃😃
E chline Steckbrief muess nech afe länge. Die offizielli Vorstellig gets denn am Hilari 2024 !!!
Falu Falu Falu
Euche Oberzagge
PS: der heit rechtig gläse. Das esch dr erst Sommertransfer. Ou dr zwöit esch scho in trochne Tüecher 😉 Aber alles dr Reihe noche. Es goht weder obsi 😃